Almaty túbindegi Gate City mańynda órt shyqty
ALMATY. KAZINFORM – Almaty oblysy TJD baspasóz qyzmetiniń málimetine sáıkes, 2024 jyly 28 maýsymda saǵat 11:09-de Ótegen batyr aýylynyń 8-ÓSB baılanys pýnktiniń 101 jelisine Іle aýdany, Gate City kesheniniń janynda ornalasqan shóptiń janýy týraly habarlama kelip túsken.
– Oqıǵa ornyna kelgennen keıin qurǵaq shóp janǵany anyqtaldy. Eldi mekenge jáne jaqyn mańdaǵy qurylystarǵa qaýip joq. Qurbandar men zardap shekkender joq. Qazirgi ýaqytta órttiń aýdany belgilenýde. Jalyndy sóndirýge Almaty oblysy TJD-nyń 15 qyzmetkeri jáne 3 birlik tehnıka, 1 sý tasýshy, JBO-dan 15 adam jáne 3 birlik tehnıka, Almaty qalasy TJD-nyń 3 qyzmetkeri jáne 1 birlik tehnıka jumyldyryldy, - dep habarlady oblystyq TJD.
Eske salaıyq, buǵan deıin Almaty oblysynda 2 kún buryn taýda joǵalǵan azamat izdestirilip jatqanyn jazǵan edik.
