Almaty túbinde apatqa ushyraǵan AN-26 ushaǵynyń qaldyǵy aýktsıon arqyly satyldy
ASTANA. KAZINFORM – Osydan 4 jyl buryn Almaty túbinde apatqa ushyraǵan UQK áýe qyzmetiniń AN-26 ushaǵy metall synyǵy retinde satyldy.

Memlekettik múlik tizilimine jáne tıisti saýda-sattyqqa resmı qol jetkizý núktesi retinde tanylǵan e-qazyna.kz veb-portalynda jarııalanǵan lot málimetterine sáıkes, qıraǵan ushaqty satyp alýǵa qatysý úshin áleýetti satyp alýshy 810 897 teńge mólsherinde kepildendirilgen jarna tóleýi tıis boldy. Al bastapqy baǵa - 1 351 494,75 teńge.
Saýda-sattyq barysynda salmaǵy 14 tonna 60 keli bolatyn AN-26 ushaǵynyń qırandysy 1 416 200 teńgege satyldy.
- Lot úsh ret jarııalanyp, tórtinshisinde satyldy. Erejege sáıkes, metall synyqtary UQK usynysy boıynsha Ónerkásip jáne qurylys mınıstriniń buıryǵymen satylatyn nysandar tizilimine engizilip baǵalandy jáne satyldy, - dedi qıraǵan ushaqty saýda-sattyqqa shyǵarǵan «Qazarnaýlyeksport» kásipornynan agenttik tilshisine.
Eske sala ketsek, 2021 jyldyń 13 naýryzynda «Astana-Almaty» baǵytynda saǵat 17:20-da ushyp shyqqan UQK áýe qyzmetiniń AN-26 ushaǵy Almatyǵa qonar kezde apatqa ushyraǵan bolatyn.


