Almaty - Tokıo reısi 30 qarashadan bastap iske qosylady
ALMATY. KAZINFORM – 30 qarashadan bastap Air Astana Almatydan Tokıoǵa tikeleı reıs oryndaıdy. Bul týraly Almaty týrızm bıýrosy habarlady.
Reıster Airbus A321LR áýe kemesimen júzege asyrylyp, ushaq Narıta (NRT) áýejaıynda qonady. Jolaýshylar aptasyna eki ret osy baǵytta usha alady.
⠀- Endi japondyq týrıster Almatyǵa ońaıyraq jete alady, al Qazaqstan turǵyndary úshin Japonııaǵa saıahattaý yńǵaıly bola tústi. Alda Almatyny Japonııa naryǵynda ilgeriletýge baǵyttalǵan jańa birlesken jobalar kútip tur, - dep habarlady týrızm bıýrosynan.
Eske salaıyq, buǵan deıin Úkimet otyrysynda Premer-mınıstr Oljas Bektenov Qazaqstannan tikeleı jóneltiletin halyqaralyq reısterdi kóbeıtýdi tapsyrdy. Onda Almaty-Tokıo reısi týraly da aıtyldy.
Ótken aıda FlyArystan Almatydan Qytaıdyń Chýntsın qalasyna tikeleı reıs ashty.
