Almaty taýlaryndaǵy 6 morenaldy kól qaýipti
ALMATY. KAZINFORM — Almaty ákimi Erbolat Dosaev, «Qazseldenqorǵaý» mekemesi men Tótenshe jaǵdaılar departamenti basshylyǵy megapolıstiń sel qaýipsizdigin baqylaý jáne monıtorıng júrgizý maqsatynda morenalyq kólderdiń jaı-kúıine aerovızýaldy zertteý júrgizdi.
«Qazirgi ýaqytta Almaty qalasyndaǵy sel qaýpi turaqty jáne erekshe baqylaýda. Kólderdiń kóp bóligi 65-70% - ǵa tolady. Sý deńgeıi qaýipsiz belgilerde», - dep atap ótti ákimdikten.
Qazirgi kezde taýlarda aýa temperatýrasy 5-6°S. Shildede bıik taýly aımaqtaǵy ortasha aılyq temperatýra 7-15°s sheginde aýytqıdy. «Qazgıdromet» RMK uzaqmerzimdi boljamy boıynsha jazǵy kezeńde taýlarda aýa temperatýrasynyń joǵarylaıdy dep boljanady, keıde normadan joǵary (22°S deıin).
«Sel shyǵaryndylarynyń aldyn alý úshin bıyl morendi kólderdiń sýy aǵyzylady. Almatynyń jergilikti bıýdjet rezervinen osy maqsattarǵa 36,3 mln teńge bólindi. Bul qarajatqa sý aǵyzý arnalaryn tazartý jáne tereńdetý úshin ónimdiligi joǵary sorǵylar, sıfon qubyrlary, dánekerleý apparattary jáne basqa da jabdyqtar satyp alynady», - dep habarlady ákimdikten.
Almaty ákimi Erbolat Dosaev taý ózenderindegi gıdrometeorologııalyq, kóshkin, sý tasqyny, sel jaǵdaıyna turaqty baqylaý júrgizýdi jáne kúsheıtýdi tapsyrdy. «Qazseldenqorǵaý» MM mamandary 10 turaqty jáne 3 maýsymdyq bekette baqylaý júrgizedi. 20 maýsymnan keıin qalǵan 10 maýsymdyq bekette baqylaý bastalady.
