Almaty taýlarynda joǵalyp ketken týrıst úsh kúnnen soń tabyldy
ASTANA. KAZINFORM - Qazaqstan Tótenshe jaǵdaılar mınıstrliginiń qutqarýshylary Almaty oblysynyń taýlarynda úsh kúndik izdestirý-qutqarý operatsııasyn sátti aıaqtady.
QR TJM baspasóz qyzmetiniń habarlaýynsha, joǵalǵan týrıst tikushaqtyń kómegimen tabyldy.
1982 jylǵy azamat 12 qańtarda kóp kúndik joryqqa attanyp, 15 qańtarda baılanysqa shyqpaǵan soń, týystary mazasyzdanyp, qutqarýshylardan kómek surady.
TJM Respýblıkalyq jedel-qutqarý jasaǵynyń mamandary dereý izdeýge kiristi. Jumysqa kınologııalyq eseptoptar, ushqyshsyz ushý apparattary jáne jerústi toptary qatysty. Alǵashqy eki kúnde 21 oryn zertteldi, onyń ishinde eń tanymal týrıstik marshrýttardaǵy shyńdar, shatqaldar men asýlar tekserildi.
- Búgin Qazavıaqutqarý áýe bortyn paıdalanyp, er adam 2970 metr bıiktikte «Sol Talǵar» shatqalyndaǵy kúrkeden tabyldy. Olmedıtsınalyq kómekke muqtaj bolmady jáne Almaty qalasyna jetkizildi, - delingen habarlamada.
Osyǵan deıin TJM qyzmetkerleri Jetisý oblysynda 25 balyqshyny qutqarǵanyn jazǵan edik.
