Almaty taýlarynda joǵalyp ketken 20 jastaǵy jigittiń máıiti tabyldy

ALMATY. KAZINFORM – Búgin «Molodejnyı» shyńynda joǵalǵan jas jigittiń máıiti tabyldy. 

Almaty qalasy TJD málimetinshe, Almaty taýlarynda 20 jastaǵy jigit eki táýlikke jýyq izdestirildi. Іzdeý-qutqarý operatsııasyna Tótenshe jaǵdaılar mınıstrliginiń tikushaǵy, qutqarý qyzmeti, TJD Arnaıy apat-qutqarý qyzmeti, Respýblıkalyq jedel-qutqarý jasaǵy, kınologtar men eriktiler tartyldy.

Máıit tabylǵan orynǵa baratyn jolda muzdyqtar bar bolǵandyqtan, qutqarýshylardyń kóterilýi men túsýi shamamen 5 saǵatqa sozylǵan. Qazir oqıǵa ornynda Almaty qalasynyń polıtsııa departamentiniń qyzmetkerleri men Tótenshe jaǵdaılar departamentiniń psıhology jumys istep jatyr.

– Іzdeý-qutqarý jumystaryna TJM tikushaǵy, 50-den astam qutqarýshy men erikti, 8 ushqyshsyz ushý apparaty (dron), 8 tehnıka, 3 kınologııalyq esep jumyldyryldy, - dep habarlady TJD.

Eske salaıyq, buǵan deıin Almaty taýlarynda 20 jastaǵy jigit izdestirilip jatqanyn jazǵanbyz.