Almaty taýlarynda joǵalǵan taǵy eki adamnyń denesi tabyldy
ALMATY. KAZINFORM – Almatynyń Medeý aýdanynda júrgizilgen izdestirý-qutqarý jumystary aıaqtaldy.
Qutqarýshylar teńiz deńgeıinen shamamen 3 700 metr bıiktikte ornalasqan «Lokomotıv» shyńy mańynan eki adamnyń máıitin tapty.
Buǵan deıin osy toptaǵy taǵy bir adamnyń qaza tapqany anyqtalǵan edi.
Osylaısha, oqıǵa saldarynan úsh adam kóz jumdy.
QR Tótenshe jaǵdaılar mınıstrliginiń málimetinshe, habar túsken sátten bastap «Myńjylqy» bógeti aýdanynda jedel shtab qurylyp, izdestirý jumystaryna Almaty tótenshe jaǵdaılar departamenti bólimsheleri, qutqarý qyzmetteri, polıtsııa, Alpınızm federatsııasy men eriktiler jumyldyrylǵan. Sondaı-aq operatsııaǵa «Qazáýequtqarý» tikushaǵy tartyldy.
– Qutqarýshylar drondar, metall izdegishter, izdeý zondtary men arnaıy quraldardy qoldanǵan. Qolaısyz aýa raıyna baılanysty marqumdardyń deneci jaıaý «Medeý» qutqarý beketine jetkizilip, keıin polıtsııa qyzmetkerlerine tapsyryldy. Sot-medıtsınalyq saraptama taǵaıyndalyp, qaza bolǵandardyń týystaryna psıhologııalyq kómek kórsetilip jatyr, - delingen habarlamada.
Jalpy izdestirý-qutqarý jumystaryna shamamen 80 adam, 12 tehnıka birligi, 4 kınologııalyq eseptop jáne 4 ushqyshsyz ushý apparaty qatysty.