Almaty taýlarynda jel men sýyqtan tońǵan úndi stýdentteri qutqaryldy

ASTANA. KAZINFORM — TJM qutqarýshylary Úndistannyń eki azamatyn evakýatsııalady, dep habarlaıdy vedomstvonyń baspasóz qyzmeti.

Almaty qalasy Bostandyq aýdanynda teńiz deńgeıinen 3336 metr bıiktikte TJM Respýblıkalyq jedel-qutqarý jasaǵynyń qutqarýshylary qutqarý operatsııasyn júrgizdi.

Qutqarýshylar taýǵa shyǵyp, ózdiginen túse almaǵan, 2001 jáne 2003 jylǵy Úndistannyń eki azamatyna kómekke keldi. QR RJQJ qutqarýshylary oqıǵa ornyna jedel jetip, azamattardy taýdan túsirip, qalaǵa jetkizdi. Olarǵa medıtsınalyq kómek qajet bolǵan joq.

— Biz sheteldik stýdenttermiz. Biz Almaty shyńyna bardyq, biraq aýa raıynyń qolaısyzdyǵyna baılanysty ýaqytynda qaıta almadyq. Biz qatty sýyqtan tońyp qaldyq. Alaıda, qazaqstandyq qutqarýshylardyń arqasynda biz qutqaryldyq. TJM qyzmetkerleri bizdi qatty jel men sýyqtan qutqardy, — dedi stýdentter.

Osyǵan deıin Іle Alataýynda jaraqat alǵan týrıst qutqarylǵanyn jazǵanbyz.