Almaty taýlarynda jasandy jolmen qar kóshkini júrgizildi
ALMATY. KAZINFORM – «Shymbulaq» taý shańǵy kýrorty bazasynyń aýmaǵynda qar kóshkinin aldyn ala júrgizý jumysy júrgizildi.
Tótenshe jaǵdaılar mınıstrliginiń baspasóz qyzmetiniń málimetine súıensek, Almaty taýlarynda temperatýranyń kúrt ózgerýine, jylymyqqa jáne jelge baılanysty kóshkin júrý qaýpi artty.
– TJM Qazseldenqorǵaý qyzmetkerleri qutqarýshylarmen birlesip «Shymbulaq» taý shańǵy kýrortynda 3200 metr bıiktikte profılaktıkalyq qar túsirý jumysyn júrgizdi. Júrgizilgen jumystardyń nátıjesinde 3500 tekshe metr qar massasy túsirildi, – dep habarlady TJM.
Qutqarýshylar turǵyndarǵa taýly aımaqtarda qar kóshkini qaýpi áli de baryn aıtyp, barynsha saq bolýǵa shaqyrdy.
Eske salsaq, buǵan deıin Almaty oblysynyń taýlarynda 17-23 aqpan aralyǵynda aralyǵynda kóshkin qaýpi saqtalatyny týraly jazǵan edik.
Sondaı-aq óńirde qar kóshkini qaýpine baılanysty birneshe avtojol kóktemge deıin jabyldy.