Almaty taýlarynda jarty tonna qoqys jınaldy
ALMATY. KAZINFORM – Almaty taýlarynda senbilik ótti. Aktsııa kezinde Shymbulaqtan tanymal týrıstik baǵyttar boıynsha qoqys jınalǵan.
Shymbulaq taý kýrortynyń málimetinshe, aýqymdy EcoDay senbiligine 130-dan astam adam, onyń ishinde Іle-Alataý ulttyq tabıǵı parkiniń, qala ákimdiginiń, eriktiler uıymdarynyń ókilderi qatysqan.
Aktsııa barysynda jarty tonnaǵa jýyq qoqys (491 kg) jınaldy. Onyń 198 kelisi qaıta óńdeýge jiberilip, kádege jaratyldy.
– Qatysýshylar qoqysty jınap qana qoımaı, ony muqııat suryptady: qaıta óńdeletin - plastıkalyq jáne shyny bótelkeler, qańyltyr bankalar bir bólek, qaıta óńdelmeıtin qaldyqtar bir bólek jınaldy. Barlyq jınalǵan qoqys eriktilerdiń kúshimen Shymbulaq aýmaǵyna jetkizildi, al qaıta óńdeletin qaldyqtar Recycle Birge qoldaýymen mamandandyrylǵan kásiporyndarǵa shyǵaryldy, - dep habarlady taý kýrort ákimshiligi.
Eske salaıyq, buǵan deıin Almaty ákimi senbilikter resmı sıpatta ótpeýi kerek ekenin aıtqan edi.