Almaty taýlarynda jaryqsyz qalǵan úsh týrıst qutqaryldy
ASTANA. KAZINFORM – Almaty taýlarynda túnde ózdiginen tómen túse almaı qalǵan úsh týrıstke qutqarýshylar kómek kórsetti, dep habarlaıdy qalanyń Monıtorıng jáne jedel áreket etý ortalyǵy.
Oqıǵa Medeý aýdanyndaǵy Shúkir asýynda, shamamen 3100 metr bıiktikte bolǵan. Úsh jas jigit taýdan túsý kezinde qolshamdarynyń jaryǵy óship qalyp, qozǵalysyn jalǵastyra almaǵan. Osydan keıin olar qutqarýshylardan kómek suraǵan.
– Oqıǵa ornyna Almaty qalasy Monıtorıng jáne jedel áreket etý ortalyǵynyń qutqarýshylary jiberildi. Týrıster qaýipsiz jerge jetkizilip, №22 órt sóndirý bólimine deıin alyp túsirildi, – delingen habarlamada.
Odan keıin úsh jigit týystaryna tapsyryldy. Olarǵa medıtsınalyq kómek qajet bolǵan joq.
Aıta keteıik, Sátbaev shyńynda adasyp ketken úsh týrıst qutqaryldy.
