Almaty taýlarynda týrıster qar kóshkininiń astynda qalyp, bir adam kóz jumdy

ASTANA. KAZINFORM – Medeý aýdanyndaǵy Almaty taýlarynda, 3 400 metr bıiktiktegi Tıtov asýynda tórt adamnan quralǵan eki týrıst qardyń astynda qalyp qoıdy. Olardyń biri óz betimen qashyp úlgerdi, dep habarlaıdy Kazinform QR Tótenshe jaǵdaılar mınıstrligine silteme jasap.

Qaıǵyly jaǵdaı 22 aqpan kúni tańerteń bolǵan. 

Oqıǵa ornyna dereý Almaty qalalyq Tótenshe jaǵdaılar departamentiniń 23-ámbebap qutqarý jasaǵynyń qutqarýshylary, «Barys» óńirlik memlekettik ǵylymı-zertteý ortalyǵynyń, kınologııalyq bólimsheniń qyzmetkerleri men eriktiler jóneltildi. Іzdestirý-qutqarý operatsııasy barysynda ushqyshsyz ushatyn apparat (UUA) da paıdalanyldy. 

Júrgizilgen jumystardyń nátıjesinde marqumnyń denesi qar astynan shyǵaryldy. Oqıǵa ornynda polıtsııa qyzmetkerleri men qutqarý qyzmetiniń psıhologtary jumys istedi.

Buǵan deıin Almaty taýlaryndaǵy týrısterge arnalǵan úıshikterdiń jaı-kúıi týraly jazǵan edik.