Almaty taýlarynda týrıst 3500 metr bıiktikten evakýatsııalandy
ASTANA. KAZINFORM – Almaty taýlarynda Pogrebetskıı shyńynan túsip kele jatqan týrıst ózin jaısyz sezinip, taýda qalyp qoıǵan. Oǵan Tótenshe jaǵdaılar mınıstrliginiń qutqarýshylary kómekke keldi.
TJM málimetinshe, úsh jas týrıst Pogrebetskıı shyńynan túsip kele jatqan kezde olardyń biri ózin nashar sezingen. Uıaly baılanys joq «Qyzylsaı» lashyǵynda qalǵan azamatqa serikteri kómektese almaǵan.
Onyń janyndaǵy eki týrıst Úlken Almaty kóli mańyndaǵy demalys ornyna jetip, qutqarýshylarǵa habar bergen.
- Oqıǵa ornyna Almaty qalalyq TJD Qutqarý qyzmetiniń mamandary jedel attandy. Qutqarýshylar týrısti teńiz deńgeıinen 3500 metrden astam bıiktikten evakýatsııalap, «Alma-Arasan» ekobeketine jetkizdi, - delingen vedomstvo aqparatynda.
Tómen túskennen keıin er adamnyń jaǵdaıy jaqsaryp, medıtsınalyq kómek qajet bolmaǵan. Keıin týrıster úılerine ózdiginen qaıtqan.
Aıta keteıik, Almatyda ormanǵa qonǵan ushaqty qutqarýshylar tikushaǵy evakýatsııalady.
