Almaty taýlarynda sheteldik stýdent adasyp ketti
ASTANA. KAZINFORM - Almaty qalasynyń Bostandyq aýdanyndaǵy Kókjaılaý shatqaly mańynda taýdan túsip kele jatqan týrısterdiń biri toptan qalyp qoıyp, baılanysqa shyqpaı qalǵan, dep habarlaıdy QR Tótenshe jaǵdaılar mınıstrliginiń baspasóz qyzmeti.
Ótinish berýshilerdiń málimetinshe, onyń uıaly telefony baılanys aımaǵynan tys jerde bolǵan. Іzdestirý-qutqarý jumystaryna TJM «Barys» respýblıkalyq qutqarý qyzmetiniń qutqarýshylary jedel túrde attandy. Oqıǵa ornyna jetkennen keıin qutqarýshylar taýly aýmaqty tekserýge kiristi. Іzdestirý jumystary túngi ýaqytta, kóriný múmkindigi shekteýli jaǵdaıda júrgizildi.
-Іzdestirý-qutqarý jumystarynyń nátıjesinde Kókjaılaý shatqalynan tómen ornalasqan aýmaqta týrıstik toptan qalyp qoıǵan Iran azamaty, stýdent tabyldy. Jas jigit taý betkeıinde uıyqtap jatqan. Tekserý barysynda oǵan medıtsınalyq kómektiń qajet emestigi anyqtaldy,-delingen habarlamada.
Qutqarýshylar ony qaýipsiz jerge jetkizip, taýdan aman-esen túsirdi.
Osyǵan deıin túnde Іle Alataýynda adasyp qalǵan eki qyz qutqarylǵany týraly jazdyq.
