Almaty taýlarynda Ońtústik Koreıa azamatyn 130 adam izdep jatyr
ASTANA. KAZINFORM — Almatynyń Medeý aýdanynda, Talǵar asýy mańynda joǵalǵan Koreıa Respýblıkasynyń azamatyn izdeý jumystary áli jalǵasyp jatyr. Іzdestirý operatsııasyna 130-ǵa jýyq adam, avıatsııa, drondar men kınologııalyq toptar jumyldyrylǵan.
Іzdestirý-qutqarý operatsııasy taýly jer bederiniń kúrdeliligine, zertteletin aýmaqtyń aýqymdylyǵyna jáne bıiktik aıyrmashylyǵynyń edáýir bolýyna baılanysty qıyn jaǵdaıda júrgizilip jatyr. Qutqarýshylar taýly jerdiń, sonyń ishinde shatqaldar men taý betkeıleriniń jetýi qıyn ýchaskelerin tekserip jatyr.
Іzdestirý-qutqarý jumystaryna TJM, PD kúshteri men quraldary, sondaı-aq eriktiler qatysýda. Barlyǵy 130-ǵa jýyq adam, 10 birlik tehnıka, 8 kınologııalyq esep, 11 ushqyshsyz ushý apparaty jáne TJM avıatsııasy jumyldyrylǵan.
Іzdestirý jumystary úzdiksiz júrgizilip jatyr. Jumyldyrylǵan kúshter men quraldar taýly aýmaqtyń belgilengen ýchaskelerin tekserýdi jalǵastyrýda. Іzdestirý-qutqarý jumystary jalǵasýda jáne TJM baqylaýynda.
Eske sala keteıik, keshe Almaty taýlarynda 1953 jyly týǵan shetel azamatyn izdestirý-qutqarý jumystary táýlik boıy jalǵasyp jatqanyn jazǵan, edik. Týrıst Talǵar asýy mańynda, shamamen 3200 metr bıiktikte joǵalǵan.
Tótenshe jaǵdaılar mınıstrliginiń málimetinshe, shetel azamaty 28 qyrkúıekte týrıster tobymen birge «Shymbulaq» aspaly joly arqyly taýǵa kóterilgen. Keıin ol toptaǵy adamdarǵa marshrýtty ózdiginen jalǵastyryp, qalaǵa ózi qaıtatynyn aıtqan. Alaıda qonaqúıge oralmaǵan.
