Almaty taýlarynda qoqys jınap, tegin kofe alýǵa bolady
ALMATY. KAZINFORM — Almatynyń jańadan ashylǵan «Butaqty» vızıt-ortalyǵynda qala turǵyndary men qonaqtaryna arnalǵan ekologııalyq bastama iske qosyldy.
Qalalyq týrızm basqarmasynyń málimetinshe, Іle-Alataýy ulttyq parkine klýshiler taýdaǵy qoqysty jınap, vızıt-ortalyqqa ótkize alady. Onyń ornyna olarǵa tegin sýsyn — kofe nemese shaı usynylady.
— Atalǵan bastama «Taza Qazaqstan» respýblıkalyq aktsııasy aıasynda júzege asyrylyp jatyr. Joba tabıǵatty taza ustaýǵa shaqyryp qana qoımaı, árbir adamnyń jeke jaýapkershiligin arttyrýǵa baǵyttalǵan. Uıymdastyrýshylar atap ótkendeı, taýda demalý mádenıeti — eń aldymen qorshaǵan ortaǵa uqypty qaraýdan bastalady, — dep habarlady basqarmadan.
Eske salaıyq, buǵan deıin Іle-Alataýy ulttyq parkiniń aýmaǵynda, týrıster jıi baratyn baǵyttardyń birinde jańa «Butaqty» vızıt-ortalyǵy ashylǵan bolatyn.
Aldaǵy ýaqytta Almatydaǵy vızıt-ortalyqtar jańa formatqa aýysýy múmkin.
