Almaty taýlarynda qarý men oq-dári tabyldy
ALMATY. KAZINFORM — Almaty taýlarynda qaraýsyz qalǵan qarý tabyldy.
Qalalyq polıtsııa departamenti Medeý aýdanyndaǵy saıajaı alqabynan qarý-jaraq tabylǵanyn habarlady. Tekserý barysynda polıtseıler IJ markaly tegis uńǵyly myltyqty, tapanshaǵa uqsas zatty jáne 16-kalıbrli alty oq-dárini anyqtaǵan.
— Qazir tárkilengen zattar sot-ballıstıkalyq saraptamaǵa jiberildi. Mamandar qarýdyń qaıdan shyqqanyn, kimge tıesili ekenin jáne qandaı da bir qylmysqa qatysy bar-joǵyn anyqtaıdy. Polıtsııa azamattardy qarý nemese oq-dári taýyp alǵan jaǵdaıda olarǵa qol tıgizbeı, dereý «102» nómirine habarlaýǵa shaqyrady, — dep málimdedi departamentten.
Eske salaıyq, buǵan deıin Almaty oblysynda top bolyp er adamǵa shabýyl jasap, kóligine oq atqandar ustaldy.
