Almaty taýlarynda qar jaýyp jatyr

ALMATY. KAZINFORM — Almatynyń taýly aımaǵynda qar, al qala aýmaǵynda nóserli jańbyr jaýyp jatyr. 

«Shymbulaq» taý kýrortynyń Bogdanovıch muzdyǵy, Búgel jáne ortańǵy stantsııasynda ornatylǵan kameralarynan qazirgi ýaqytta qar jaýyp jatqanyn kórýge bolady.

«Qazgıdromet» málimetine sáıkes, Almatyda 23 qyrkúıek kúni tańǵy saǵat 5-ten bastalǵan jaýyn-shashyn 24 qyrkúıek tańǵa deıin toqtamaıdy. Qala boıynsha kommýnaldyq jáne jedel qyzmetter kúsheıtilgen rejımde jumys istep jatyr. Merdiger uıymdardyń 123 arnaıy tehnıkasy, 74 motopompa, 20 assenızator kóligi, sondaı-aq 75 jedel brıgada tartyldy. Olardyń quramynda 425 jumysshy bar.

Buǵan deıin jaýyn-shashyn saldarynan Almatydaǵy kólik keptelis 10 balǵa jetkenin jazǵanbyz.

Eske salaıyq, ótken apta Almatyda qatty jańbyr jaýyp, Amanjol kóshesinde jol jabyny opyryldy. Nátıjesinde 13 avtokólik zaqymdandy.