Almaty taýlarynda qar jaýyp jatyr
ALMATY. KAZINFORM — Almatyda kún salqyndady.
Almaty taýlarynda qar jaýyp jatyr. Japalaqtap jaýǵan aq ulpanyń beınejazbasyn Shymbulaq taý-shańǵy kýrorty áleýmettik jelilerde bólisti.
Odan bólek Almatynyń taý shatqaldarynda ornatylǵan kameralardan onlaın formatta bıik shyńdardaǵy aýa raıyn baqylaýǵa bolady.
Taýly aımaqta qar jaýsa, megapolıstiń ózinde jáne oǵan irgeles aýmaqtarda kúndiz jaýyn-shashyn tústi. Buǵan deıin 5 qarashada Qazaqstannyń soltústigi men shyǵysynda jańbyr jaýyp, qar túsetinin jazǵanbyz. Al Almatyda kún ala bultty bolyp, jańbyr jaýady dep boljandy. Jel 3-8 m/s, ekpini 13 m/s-qa deıin. Aýa temperatýrasy túnde +4…+6°C, kúndiz +11…+13°C.
Eske salaıyq, bıyl Almatyda aýa temperatýrasynyń kúrt tómendeýine baılanysty jylytý maýsymyn ádettegiden erterek bastaý týraly sheshim qabyldanǵan bolatyn. 9 qazannan bastap qalada ortalyq jylý júıesine qosý jumystary bastaldy. Al turǵyn úıler ortalyq jylýǵa 10 qazannan bastap qosyldy.
Jylytý maýsymy bastalǵan 1 aıǵa jýyq ýaqyt ishinde qalanyń turǵyn úı sektorynda 18 órt tirkeldi. Onyń saldarynan 1 adam qaza taýyp, 5 adam túrli dárejedegi jaraqat alǵan. Osyǵan baılanysty TJD mamandary qaýipsizdik sharalaryn saqtaýǵa shaqyrdy.
