Almaty taýlarynda qar kóshkini júrip, bir adam zardap shekti

«Tuıyq sý» muzdyǵynyń soltústik betkeıinde shańǵyshylar qar kóshkininiń júrýine sebep boldy, dep habarlaıdy Kazinform.

«15 qazan kúni keshki saǵat 17:20-da 109 qutqarý qyzmetiniń qutqarýshylary «Tuıyq sý» muzdyǵyna attandy. Qar kóshkininen zardap shekken er adam shamamen 33-35 jasta. Aldyn ala málimet boıynsha, Tuıyq sý muzdyǵynyń soltústik betkeıinde shańǵymen syrǵanap júrgende qar kóshkini bolǵan», - dep habarlady Almaty qalalyq TJD baspasóz qyzmeti.

Departamentten atap ótkendeı, 109 qutqarý qyzmetine onyń dosy habarlasqan. Olar ekeýi bul sport túrimen kásibı túrde aınalysady. Zardap shekken adamdy taýdan túsirý úshin TJD men «Kazseldenqutqarý» mekemesinen qosymsha mamandar jolǵa shyqty.

Buǵan deıin Tótenshe jaǵdaılar departamenti aýa raıynyń qolaısyzdyǵyna baılanysty taýǵa shyqpaýǵa keńes bergen bolatyn.

Qutqarýshylar turǵyndardy qar kóshkinin týdyrmaý úshin taý betkeılerine shyqpaýǵa, sondaı-aq jeke qaýipsizdik sharalaryn saqtaýǵa, taýda jaıaý serýendeýden bas tartýǵa shaqyrady.