Almaty taýlarynda qar kóshkini túsirildi

ALMATY. KAZINFORM — «Kishi Almaty» ózeniniń basseınindegi úsh shyńnan QR TJM «Qazseldenqorǵaý» mekemesiniń mamandary jasandy jolmen qar kóshkinin túsirdi.

Bul jumystar «Shymbulaq» taý-shańǵy kýrortynyń aýmaǵynda demalýshylar men týrısterdiń qaýipsizdigin qamtamasyz etý maqsatynda júrgizildi.

— Barlyǵy 20 000 tekshe metr qar túsirildi, osylaısha qar kóshkininiń ózdiginen túsý qaýpi aıtarlyqtaı tómendedi. Osy jyldyń basynan beri Almaty taýlarynda qar kóshkininiń 17 profılaktıkalyq túsýi júrgizildi, — dep habarlady TJM.

Eske salaıyq, buǵan deıin Almatyda qar kóshkini saldarynan bir adam qaza taýyp, eki adam jaraqat alǵanyn jazǵanbyz.

Odan keıin Shymbulaqta jasandy jolmen qar kóshkini túsirildi.