Almaty taýlarynda kar kóshkini qaýpi saqtalady

QONAEV. KAZINFORM – Almaty oblysynyń tótenshe jaǵdaılar departamenti eskertý jasady.

Almaty oblysynyń taýlarynda 15 aqpan men 18 aqpan aralyǵynda kóshkin qaýpi saqtalady. Osyǵan baılanysty TJD azamattardan, týrıster men demalýshylardan qar kóshkinin týdyrýy múmkin bolǵandyqtan qarly betkeılerge shyqpaýdy, sondaı-aq taýly jerlerde barlyq qaýipsizdik sharalaryn saqtaýǵa shaqyrdy.

Aıta keteıik, Almaty oblysynyń aýmaǵynda Іle-Alataý taýlarynyń ońtústik betkeıinde Eńbekshiqazaq, Talǵar jáne Qarasaı aýdandarynda 55 kóshkin qaýpi bar ýchaske bar. Negizinen qar kóshkininiń túsýi temperatýra fonynyń joǵarylaýyna jáne jańbyr men qar túrinde mol jaýyn-shashynnyń túsýine baılanysty bolady.

Eske salaıyq, keshe tańǵy saǵat 8:00-den túski 15:00-ge deıin Almatynyń Kishi ózeni basseıninde ózdiginen qar kóshkini júrdi.