Almaty taýlarynda qar kóshkini qaýpi saqtalady
ALMATY. KAZINFORM – Almaty qalasy tótenshe jaǵdaılar departamenti eskertý jasady.
Almaty taýlarynda 12 naýryz ben 14 naýryz aralyǵynda kóshkin qaýpi saqtalady. Osyǵan baılanysty TJD azamattardan, týrıster men demalýshylardan qar kóshkinin týdyrýy múmkin bolǵandyqtan qarly betkeılerge shyqpaýdy, sondaı-aq taýly jerlerde barlyq qaýipsizdik sharalaryn saqtaýǵa shaqyrdy.
Sondyqtan osy eki kúnde qarly betkeılerge barmaǵan jón.
Taýly aımaqtaǵy qar kóshkini - asa qaýipti tabıǵı qubylys. Qar kóshkininiń maksımaldy jyldamdyǵy saǵatyna 80 shaqyrymǵa deıin jetýi múmkin.
Buǵan deıin áleýmettik jelide Shymbulaqtaǵy qar kóshkininiń vıdeosy paıda boldy.
Keıin Almaty qalalyq tótenshe jaǵdaılar departamenti kóshkinnen eshkim zardap shekpegenin jetkizdi.
Sondaı-aq Shymbulaqta qar kóshkinine sebep bolǵan shańǵyshylar anyqtaldy.