Almaty taýlarynda qar kóshkini qaýpi bar

Almaty oblysynyń tótenshe jaǵdaılar departamenti qar kóshkini qaýpi týraly eskertý jasady, dep habarlaıdy Kazinform.

Almaty oblysy TJD málimetinshe, Almaty oblysynyń taýlarynda 11 jeltoqsan men 14 jeltoqsan aralyǵynda qar kóshkini júrý qaýpi saqtalady.

TJD azamattardan, týrısterden jáne demalýshylardan qar kóshkinin týdyrýy múmkin bolǵandyqtan qarly betkeılerge shyqpaýdy, sondaı-aq taýly jerlerde barlyq qaýipsizdik pen minez-qulyq sharalaryn saqtaýǵa shaqyrdy.

«Almaty oblysynyń aýmaǵynda Іle-Alataý taýlarynyń ońtústik betkeıinde Eńbekshiqazaq, Talǵar jáne Qarasaı aýdandarynda 55 kóshkin qaýpi bar ýchaske bar. Negizinen qar kóshkininiń túsýi temperatýra fonynyń joǵarylaýyna jáne jańbyr men qar túrinde mol jaýyn-shashynnyń túsýine baılanysty bolady», — dep habarlady TJD-dan.