Almaty taýlarynda qar kóshkini qaýpi saqtalady
Almaty oblysynyń TJD 11-14 qańtar aralyǵynda Almaty oblysynyń taýlarynda qar kóshkini júrýi múmkin ekenin eskertti, dep habarlaıdy Kazinform.
Departament azamattar men týrısterdi qar kóshkini týyndaýy múmkin bolǵandyqtan qarly betkeılerge shyqpaýǵa, taýly jerlerde barlyq qaýipsizdik sharasyn saqtaýǵa shaqyrdy.
«Almaty oblysynyń aýmaǵynda Іle-Alataý taýlarynyń ońtústik betkeıinde Eńbekshiqazaq, Talǵar jáne Qarasaı aýdandarynda 55 kóshkin qaýpi bar ýchaske bar. Negizinen qar kóshkininiń túsýi temperatýra fonynyń joǵarylaýyna jáne jańbyr men qar túrinde mol jaýyn-shashynnyń túsýine baılanysty bolady», - dep habarlady TJD-da.
Sondaı-aq vedomstvodaǵylar turaqsyz aýa raıyna baılanysty jáne adamdardyń jaraqattanýy men ólimin aldyn alý maqsatynda sý aıdyndarynyń betindegi juqa muzdyń ústimen júrmeý kerek ekenin eskertti.