Almaty taýlarynda eki jasóspirim qutqaryldy

ASTANA.KAZINFORM — Almaty taýlarynda TJM qutqarýshylary Bashýta shyńynan túsý kezinde baǵytynan jańylǵan eki jasóspirimdi izdeý jáne túsirý boıynsha qutqarý operatsııasyn júrgizdi. 

2009 jyly týǵan qyz jáne 2008 jyly týǵan jasóspirim baǵdarynan adasyp, soqpaqqa óz betinshe shyǵa almaǵan.

Oqıǵa ornyna №23 ámbebap qutqarý bólimshesinen Qutqarý qyzmetiniń kezekshi toby jáne TJM Apattar medıtsınasy ortalyǵynyń brıgadasy shyqty. «Shymbulaq» taý-shańǵy kýrortyna jetken qutqarýshylar «Kishi aınalma» baǵytyna qaraı bet alyp, berilgen koordınattar boıynsha jasóspirimderdi tapty.

Tekserýden keıin qutqarýshylar olardy tómenge deıin alyp túsip, «Shymbulaq» TShK aýmaǵyna jetkizdi. Túsý barysynda boıjetken ish aýyrýyna shaǵymdandy. Shymbulaqta kútip turǵan TJM Apattar medıtsınasy ortalyǵynyń qyzmetkerleri ony tekserip, Almaty qalasynyń aýrýhanasyna jetkizdi.

Aıta ketelik Eki sábı sanavıatsııamen Qostanaıǵa shuǵyl jetkizilgen edi.