Almaty taýlarynda aıaǵyn jaraqattap alǵan qyz qutqaryldy
ASTANA. KAZINFORM — Qutqarýshylar Almaty taýlarynda aıaǵyn jaraqattap alǵan qyzǵa kómek kórsetti, dep habarlaıdy TJM baspasóz qyzmeti.
Almaty qalasy Bostandyq aýdanynda Japon joly mańyndaǵy taýly aımaqta demalyp júrgen 2004 jyly týǵan qyz aıaǵyn jaraqattap alyp, ózdiginen tómen túse almaǵan.
Oqıǵa ornyna Almaty qalasynyń Monıtorıng jáne jedel den qoıý ortalyǵynyń qutqarýshylary kelip, qajetti kómek kórsetti.
— Olar zardap shekken qyzdy «Edelveıs» týrıstik bazasyna deıin jetkizip, jedel medıtsınalyq járdem brıgadasyna tapsyrdy. Tótenshe jaǵdaı týyndaǵan jaǵdaıda 112 nómirine habarlasyńyz, — delingen habarlamada.
Buǵan deıin Almaty taýlarynda bıyl 700 adam qutqarylǵanyn jazǵanbyz.
