Almaty taýlarynda 5 táýlik boıy izdestirilgen jasópirimniń máıiti tabyldy

ALMATY. KAZINFORM – Búgin saǵat 07:30-da Almaty taýlarynda aýqymdy izdestirý-qutqarý jumystary barysynda ushqyshsyz ushý apparatynyń kómegimen teńiz deńgeıinen 3000 metrden astam bıiktikte adam máıiti tabyldy.

Almaty qutqarý qyzmetiniń málimetinshe, qutqarýshylar tabylǵan orynǵa jedel túrde attanyp, máıitti tasymaldaý jumystaryn bastady. Oqıǵa ornynda jedel shtab jumys istep jatyr.

Buǵan deıin Úlken Almaty shatqaly mańynda joǵalyp ketken jas jigittiń izdestirilip jatqanyn jazǵanbyz.

Eske salaıyq, 6 shilde kúni saǵat 11:46-da Tótenshe jaǵdaılar departamentine 2007 jylǵy azamattyń joǵalǵany týraly habarlama túsken. Onyń aǵasynyń aıtýynsha, jasóspirim 2 shildede taýǵa ketip, qaıtyp oralmaǵan. Іzdeý jumystaryna TJM RJQJ men TJD-nyń 44 qutqarýshysy, 109 Qutqarý qyzmeti, shekara qyzmeti men polıtsııa qyzmetkerleri, eriktiler, sondaı-aq 8 tehnıka, 3 ushqyshsyz ushý apparaty, drondar, 4 ıt jáne QR TJM avıatsııasy jumyldyryldy.