Almaty taýlarynda 4 táýlik boıy jasóspirim izdestirilip jatyr
ALMATY. KAZINFORM — 17 jastaǵy jasóspirim Úlken Almaty shatqaly mańynda joǵalyp ketken. Іzdestirý-qutqarý jumystary tórtinshi táýlik qatarynan júrgizilip jatyr.
Almaty qutqarý qyzmetiniń málimetinshe, izdeýge 40-tan astam adam jumyldyrylǵan. Olardyń qatarynda Almaty qalasynyń qutqarý qyzmeti (109), Respýblıkalyq jedel-qutqarý jasaǵy, TJD, shekara qyzmeti, polıtsııa qyzmetkerleri men eriktiler bar. Sonymen qatar 8 tehnıka 4 ıisshil ıt jáne 3 pılotsyz ushý apparaty tartylǵan.
Іzdestirý úsh baǵyt boıynsha júrip jatyr:
• Kosmostantsııadan Úlken Almaty shyńyna deıin;
• Alma-Arasan men Aıýsaı shatqalyna qaraı;
• Kosmostantsııadan shekara beketine deıingi jol.
TJD jedel shtaby «Aıýsaı» vızıt-ortalyǵy aýmaǵynda ornalastyrylǵan.
Eske salaıyq, buǵan deıin Pavlodar oblysynda taýǵa shyǵyp, túse almaı qalǵan tórt týrıst qutqaryldy.