Almaty taýlarynda 20 jastaǵy jigit izdestirilip jatyr
ALMATY. KAZINFORM — Almaty taýlarynda 20 jastaǵy jigit joǵalyp ketti.
Almaty qalasy TJD málimetinshe, 27 shilde kúni saǵat 23:02–de Medeý aýdanynda izdestirý-qutqarý operatsııasy bastalǵan. Ol tańerteń taýǵa shyǵyp, biraq qaıtyp oralmaǵan. Jigit taýda júrgende jańbyr men burshaq jaýyp, 4000 metr bıiktikte qar túskeni belgili.
— Іzdestirý jumystary 4147 metr bıiktiktegi «Jastar» shyńynyń mańynda bastaldy. Operatsııaǵa «Medeý» qutqarý beketinen Respýblıkalyq jedel-qutqarý jasaǵynyń mamandary jáne «Tuıyq-Sý» baqylaý-qutqarý pýnktiniń qutqarýshylary jumyldyryldy. «Jastar», Tıtova jáne T1 shyńdary tekserilgen, alaıda jigit tabylmady, — dep habarlady TJD.
Qazirgi ýaqytta Myńjylqy shatqalynda jedel shtab qurylǵan, izdestirý jumystary dron jáne ıisshil ıtter arqyly júrip jatyr.
— «Qazavıaqutqarý» tikushaǵy ushýǵa daıyn bolǵanymen, aýa raıynyń qolaısyzdyǵy — 1800 metrden joǵary bult, naızaǵaı jáne sekýndyna 20 metrge deıin jetetin jel áýe kóliginiń kóterilýine kedergi keltirip otyr, — dep málimdedi TJD.
Eske salaıyq, buǵan deıin Almaty taýlarynda Sıngapýrden kelgen týrıst jaraqat alǵanyn jazǵanbyz.