Almaty taýynda alǵashqy qar jaýdy
ALMATY. KAZINFORM — Shymbulaqta alǵashqy qar jaýdy. Alǵashqy qardyń túsken sáti túsirilgen kadrlar áleýmettik jelide jarııalandy.
Jeli qoldanýshysy «Shymbulaqtaǵy alǵashqy qar» degen jazbamen vıdeo jarııalady.
Sondaı-aq taýly kýrorttyń onlaın-translıatsııasynan qardyń Talǵar asýyndaǵy aspaly joldyń joǵarǵy stantsııasy mańynda jaýǵanyn kórýge bolady. Ol teńiz deńgeıinen shamamen 3200 metr bıiktikte ornalasqan.
Eske salsaq, 25 qyrkúıekte Qazaqstanda jańbyr jaýyp, jel soǵatyny habarlanǵan bolatyn.
Jalpy osy kúnderi búkil el boıynsha kún buzylyp, Qazaqstannyń 17 oblysynda daýyldy eskertý jarııalanǵan. Ásirese soltústik-shyǵys óńirlerde tańerteń jáne kúndiz jel ekpini 15-20 m/s-qa jetedi. Túnde jáne tańerteń tuman túsýi múmkin.
