Almaty-Tashkent baǵytyndaǵy poıyzynda jolserik 9 jasar balanyń ómirin saqtap qaldy
ASTANA. KAZINFORM – «Almaty – Tashkent» poıyzynyń jolserigi sapar kezinde jaǵdaıy kúrt nasharlap ketken 9 jastaǵy balaǵa der kezinde alǵashqy medıtsınalyq kómek kórsetip, onyń ómirin qutqaryp qaldy.
Keles stantsııasynda shekaralyq jáne kedendik tekserý kezinde Tashkentke emdelýge bara jatqan 9 jastaǵy ıAroslav Ch.-tiń jaǵdaıy kenetten nasharlap ketken.
Jolserik Qýatbek Daýylbaev jaǵdaıdyń kúrdeli ekenin birden baıqap, dereý áreket etken.
— Kásibı ári ýaqtyly kórsetilgen kómektiń arqasynda balanyń jaǵdaıy turaqtanyp, qaýiptiń beti qaıtty. Poıyz bastyǵy jaqyn mańdaǵy stantsııaǵa jedel járdem shaqyrtqan, — delingen QTJ habarlamasynda.
Balaqaıdyń anasy Qýatbek Daýylbaevqa kásibı biliktiligi, zeıindiligi men adamgershiligi úshin shyn júrekten alǵys bildirdi.
«Jolaýshylar tasymaly» AQ barlyq jolserik jyl saıyn alǵashqy medıtsınalyq kómek kórsetý boıynsha arnaıy daıyndyqtan ótetinin atap ótti.
Aıta ketelik Aqtóbede ýchaskelik ınspektor ózenge sekirip ketken jasóspirimdi qutqaryp qalǵan edi.