Almaty — Tashkent baǵytynda Talgo poıyzy qatynaıtyn bolady

ASTANA. KAZINFORM — 14 jeltoqsannan bastap «Almaty — Tashkent» halyqaralyq baǵyty boıynsha Talgo poıyzynyń qozǵalys kestesin kúndelikti rejımge aýysady. Bul týraly «Jolaýshylar tasymaly» AQ baspasóz qyzmeti málim etti.

Bul sheshim táýligine 400-den astam jolaýshyny turaqty túrde tasymaldaýǵa múmkindik beredi. Baǵytqa joǵary jaılylyq deńgeıine ıe Talgo quramdary shyǵarylady.

— Kúndelikti qatynas poıyz qozǵalysynyń turaqtylyǵyn qamtamasyz etip, saparlardy josparlaýdy yńǵaıly etedi. Kún saıynǵy qatynastyń engizilýi Qazaqstan men Ózbekstan arasyndaǵy kólik baılanysyn nyǵaıtýǵa, týrıstik aǵyndy arttyrýǵa, sondaı-aq, eki el arasyndaǵy mádenı jáne iskerlik baılanystardy damytýǵa yqpal etedi, — delingen habarlamada.

Aldaǵy qysqy maýsymǵa oraı birqatar baǵyttarda poıyz qozǵalysy kestesine qosymsha ózgerister engizilýi josparlanyp otyr. 

Bıletterdi bilet.railways.kz resmı saıtynan jáne temirjol vokzaldarynyń bılet kassalarynan satyp alýǵa bolady. Qosymsha aqparatty 1433 tegin nómiri arqyly bilýge bolady. Poıyzdardyń naqty kelý jáne jóneltý ýaqyty týraly aqparat https://tablo-railways.kz/ru/ onlaın-tablosynda qoljetimdi. 

Buǵan deıin habarlanǵandaı, Qazaqstanda jyl sońyna deıin Stadler poıyzdary qatynaı bastaıdy.