Almaty: taǵy bir júrgizýshiniń adamdy uryp qulatqany vıdeoǵa túsip qaldy
Almaty ortalyǵynda eki júrgizýshi arasyndaǵy janjal tóbeleske ulasyp, sońy nokaýtpen aıaqtaldy, dep habarlaıdy Kazinform.
Onyń vıdeosy áleýmetik jelide tarady.
Posmotret etý pýblıkatsııý v Instagram
Oqıǵa Nazarbaev dańǵyly men Sátbaev kóshesiniń qıylysynda bolǵan. Beınejazbadan er adamnyń jerge qulap túskenin kórýge bolady.
Almaty qalalyq Polıtsııa departamentiniń málimetinshe, atalǵan fakt boıynsha Bostandyq aýdandyq polıtsııa basqarmasy tergeý júrgizip jatyr.
«1988 jyly týǵan M.-nyń jaraqatynyń aýyrlyǵyn anyqtaý maqsatynda sot-medıtsınalyq saraptama taǵaıyndaldy. Qazirgi ýaqytta shabýyldaýshyny anyqtaý jáne ony ustaýǵa baǵyttalǵan sharalar kesheni júrgizilip jatyr. Odan keıin sot óndirisiniń materıaldary sheshim qabyldaý úshin sotqa joldanady», - dep habarlady Almaty Polıtsııa departamentiniń baspasóz qyzmetinen.
Aıta keteıik, Jetisý oblysynda kúni keshe bir júrgizýshi jol jıeginde otyrǵan turǵynmen sózge kelip qalyp, ony bir uryp qulatqan edi. Japa shegýshi sol kúıi tilge kelmeı, aýrýhanada kóz jumdy.
