«Almaty Sý» kásipornynyń laýazymdy qyzmetkeri 5 jylǵa sottaldy

ALMATY. KAZINFORM – M. Joldybaevqa 5 jyl merzimge kommertsııalyq jáne qarjy uıymdarynyń basshylyǵymen baılanysty qyzmetpen aınalysý quqyǵynan aıyra otyryp, 5 jyl bas bostandyǵynan aıyrý túrindegi jaza taǵaıyndaldy. Bul týraly Antıkor habarlady. 

Buǵan deıin 9 qańtarda Almaty qalasynyń Bostandyq aýdandyq soty «Almaty Sý» kommýnaldyq kásipornynyń kúrdeli qurylys departamentiniń dırektory M. Joldybaevtyń úkimin jarııalady.

— Ol oryndalǵan jumys aktilerine kedergisiz qol qoıý jáne qalanyń káriz júıelerin kúrdeli jóndeý jáne sýmen jabdyqtaý jónindegi jumystardy memlekettik satyp alý sharttary boıynsha bıýdjet qarajatyn aýdarý syltaýymen kásipkerden 75 mln teńge jymqyrýǵa oqtalǵany úshin kináli dep tanyldy, — delingen habarlamada.

Joldybaevqa 5 jyl merzimge kommertsııalyq jáne qarjy uıymdarynyń basshylyǵymen baılanysty qyzmetpen aınalysýǵa tyıym sala otyryp, shartty túrde 5 jyl bas bostandyǵynan aıyrý túrindegi jaza taǵaıyndaldy.

Qadaǵalaýshy prokýratýranyń narazylyǵy boıynsha Almaty qalalyq soty sot alqasynyń qaýlysymen birinshi satydaǵy sottyń úkimi ózgertildi.

— Joldybaevqa 5 jyl merzimge kommertsııalyq jáne qarjy uıymdarynyń basshylyǵymen baılanysty qyzmetpen aınalysý quqyǵynan aıyra otyryp, 5 jyl bas bostandyǵynan aıyrý túrindegi jaza taǵaıyndaldy, — delingen habarlamada.

Sot zalynda sottalǵan adam qamaýǵa alyndy.

Úkim zańdy kúshine endi.

Aıta ketelik Antıkor Erlan Qojaǵapanovtyń isine qatysty túsinik bergen edi.