Almaty sotynda Muqaǵalıge sóz tıgizgen blogerge qatysty is toqtatyldy
ALMATY. KAZINFORM — Naýryzbaı aýdandyq sotynda bloger Álisher Temenovqa qatysty sot otyrysy ótti.
Muqaǵalı Maqataevqa qatysty jarııalaǵan beınejazbasyna baılanysty onyń ústinen QR Qylmystyq Kodeksiniń 131-baby (Qorlaý) boıynsha is qozǵalǵan.
Almaty qalasy sotynyń baspasóz qyzmeti agenttik saýalyna jaýap berip, jábirlenýshi tarap pen aıyptalýshynyń tatýlasýyna baılanysty istiń toqtatylǵanyn habarlady.
Kazinform tilshisi aqıyq aqynnyń uly Juldyz Maqataevpen de tildesti. Ol Álisher Temenovtyń sotta keshirim suraýyna, otbasylyq jaǵdaıyn aıtýyna jáne «óz sózin joqqa shyǵaratyn beınejazba túsiremin» dep ýáde berýine baılanysty keshirim bergenin aıtty. Sondaı-aq bloger jábirlenýshi tarapqa 3 mln teńge ótemaqy berýge kelisip, onyń 2 mln teńgesin sottan keıin berip qoıǵan.
Eske salaıyq, buǵan deıin depýtat Turlyhanovtyń uly sotqa qamaýdaǵy jazasyn aıyppulǵa aýystyrý týraly ótinish bergenin jazǵanbyz.