Almaty sotynda Amantaı qajyǵa qatysty qylmystyq is toqtatyldy
ALMATY. KAZINFORM – Almaty qalasynyń Almaly aýdandyq sotynda 83 jastaǵy Amantaı qajy Asylbekke qatysty qylmystyq is qaraldy. Ol ǵımarattyń kireberisinde áıeldi baspaldaqtan ıterip jibergen dep aıyptaldy.
Bastapqyda oǵan QR Qylmystyq kodeksiniń 107-baby boıynsha («densaýlyqqa qasaqana ortasha aýyrlyqtaǵy zııan keltirý») aıyp taǵylǵan. Keıin is QK-niń 114-babynyń 3-bóligine («abaısyzda aýyr zııan keltirý») qaıta saralanǵan.
Almaty qalalyq sotynyń baspasóz qyzmeti taraptardyń tatýlasýyna jáne jábirlenýshige materıaldyq ári moraldyq shyǵynnyń ótelýine baılanysty is júrgizý toqtatylǵanyn habarlady.
Eske salaıyq, áleýmettik jelide elge tanymal azamattyń áıel adamdy baspaldaqtan ıterip jibergeni kórsetilgen beınejazba tarady. Sodan keıin Almaty polıtsııasy Amantaı qajyǵa qatysty tergeý jumystaryn bastady.
Ótken aptada Amantaı qajy kópirge jazý syzǵany úshin aıyppul arqalady.