ІІM sıntetıkalyq esirtki aınalymyn toqtatty: 6 kg-nan astam tárkilendi
ASTANA. KAZINFORM — Іshki ister mınıstrligi «Zań men Tártip» qaǵıdaty aıasynda el aýmaǵynda sıntetıkalyq esirtkini taratý arnalarynyń jolyn kesý boıynsha is-sharalardy jalǵastyrýda. Mamyr aıynyń ekinshi onkúndiginde esirtki qylmysyna qarsy is-qımyl bólinisteriniń qyzmetkerlerimen sıntetıkalyq esirtkiniń birqatar asa iri partııalaryn zańsyz aınalymǵa shyǵarý joldary kesildi. Bul týraly Polisia.kz jazdy.
Almaty qalasynda júrgizilgen jedel-izdestirý is-sharalary barysynda qala turǵyny ustalyp, odan eki kılogramnan astam alfa-PVP sıntetıkalyq esirtkisi tárkilendi. Kúdikti óz kinásin moıyndady. Eń iri megapolıste taǵy bir kúdikti ustaldy. Jigittiń turǵylyqty jerin tintý kezinde shamamen bir kılogramm sıntetıkalyq esirtki men psıhotroptyq áseri bar zattar dáriler tárkilendi.
Shyǵys Qazaqstan oblysynda ınternet-dúken kýratorynyń tapsyrmasymen óńirlerge esirtki tasymaldaýmen aınalysqan Almaty oblysynyń turǵyny ustaldy. Kúdiktiden eki kılogramnan astam esirtki tárkilendi. Qaraǵandy oblysy Almaty — Ekaterınbýrg tasjolynda iri kólemdegi sıntetıkalyq esirtki zattaryn tasymaldaǵan esirtki taratýshy ustaldy. Avtokólik salonyn tintý barysynda bir kılogramm alfa-PVP sıntekalyq esirtkisi tárkilendi.
— Tárkilengen sıntetıkalyq esirtkiniń jalpy salmaǵy alty kılogramnan astam. Bul zańsyz aınalymǵa túsýi múmkin 18 myńnan astam bir rettik dozanyń joly kesilgenin bildiredi. ıAǵnı, myńdaǵan jastardyń ómiri men densaýlyǵyna zııan kelmedi. Atalǵan faktiler boıynsha Qylmystyq kodekstiń 297-baby 3-bóligimen sotqa deıingi is júrgizý amaldary júrgizilýde. Qazirgi ýaqytta ózge de qatysy bar tulǵalardy anyqtaýǵa baǵyttalǵan jedel-tergeý is-sharalary jalǵasýda. Barlyq kúdiktiler ýaqytsha ustaý ızolıatoryna qamaldy. Jazǵy demalys qarsańynda ІІM jastardy esirtki taratyp, «jeńil aqsha» tabý týraly jalǵan usynystarǵa aldanbaýǵa shaqyrady. Esińizde bolsyn: qylmyskerler sizdi «shyǵyn» retinde ǵana paıdalanady. Óz jaqyndaryńyz týraly oılanyńyz! — dedi ІІM esirtki qylmysyna qarsy is-qımyl komıtetiniń basqarma bastyǵy Baqytjan Ámirhanov.
Buǵan deıin garajyn esirtki qoımasyna aınaldyrǵan semeılikten 154 kg marıhýana tárkilengen bolatyn.
