Almatyda sheteldik týrıster kóp baratyn TOP-8 oryn ataldy
ALMATY. KAZINFORM — Almaty ákimdigi sheteldik týrıster bıyl qańtar–qarasha aralyǵynda qyzyǵýshylyq tanytqan kórikti oryndardyń tizimin jarııalady. Málimet Mastercard aqparatyna súıene ázirlengen.
Eń tanymal baǵyt — Shymbulaq taý-shańǵy kýrorty boldy, onyń úlesi 30,62%. Týrıster arasynda suranysqa ıe ózge oryndar qatarynda: Úlken Almaty kóli — 7,84%, Medeý — 6,24%, MEGA saýda-oıyn-saýyq ortalyǵy — 5,52%, Arbat — 4,64%, Sharyn shatqaly — 4,35%, Ortalyq mádenıet jáne demalys saıabaǵy — 4,35%, Kólsaı kóli — 3,92% bar.
Mádenı-tarıhı jáne rýhanı nysandar ishinde kósh bastap turǵandar: Kóktóbe — 12,8%, Voznesenskıı shirkeýi — 12%, Qazaqstan Respýblıkasynyń Ortalyq memlekettik mýzeıi — 7,2%, Kók bazar — 6,4%, Tuńǵysh Prezıdent saıabaǵy — 4%, Yqylas atyndaǵy halyq mýzykalyq aspaptar mýzeıi — 4%, Ortalyq meshit — 3,2%.
Eske salaıyq, osy jyldyń 9 aıynda Almatyǵa 563 myń sheteldik týrıst kelgen. Bul ótken jyldyń osy kezeńimen salystyrǵanda 11% joǵary. Jyl sońyna deıin sheteldik týrıster sany 750 myń adamǵa jetedi dep boljanyp otyr.
Sondaı-aq Qazaqstan ońtústikkoreıalyq týrıster úshin tartymdy baǵytqa aınalǵanyn jazǵanbyz.