«Almaty – Shelek baǵytyndaǵy joldy penoplastpen jamaǵan» – QazAvtoJol jýrnalıstiń jazbasyna jaýap berdi
Almaty-Shelek baǵytyndaǵy beton joldyń jyrtyǵyn penoplastpen jamap tastaǵan. Bul týraly jýrnalıst Dıas Nuraqyn Facebook paraqshasynda jazdy, dep habarlaıdy Kazinform.
«QazAvtoJol» jol salýdyń tyń tehnologııasyn taýypty. Almaty-Shelek baǵytyndaǵy beton joldyń jyrtyǵyn penoplastpen jamap qoıypty. Endi qazaqtarǵa jol salý úshin betonnyń da, bıtýmnyń da keregi joq», - dep jazdy jelide Dıas Nuraqyn.
Atalǵan másele boıynsha QazAvtoJolda túsinik berdi. Kompanııanyń málimetinshe, vıdeoda aralyq kezeńdegi jumystardyń nátıjesi kórsetilgen.
«Bul – «Almaty-Shelek-Qorǵas» kúre jolynyń ortasha jóndeý jumystarymen qamtylyp otyrǵan 25-320 shaqyrymdary aralyǵy. Eki merdiger uıym jumyldyryldy. Bul jumystar tsement-beton jabyndysyn jóndeı otyryp plıtalardy aýystyrý, deformatsııalyq jikti ankerleý jáne germetızatsııalaý ádisimen ornatýdy kózdeıdi. Bul jumys jazda atqarylady. Tehnologııaǵa sáıkes bógde zattardyń túsýin boldyrmaý úshin penopleks qoldanylady (bul –qoldanystaǵy qalypty tájirıbe). Aldaǵy ýaqytta merdiger uıymdar bul tehnologııanyń ústine bıtým mastıkasyn qoldanbaq. Jumystar áli tolyq aıaqtalǵan joq. Bul vıdeoda jóndeý jumystarynyń aralyq nátıjesi ǵana beınelengen», - dep habarlady «QazAvtoJol» UK» AQ baspasóz hatshysy Lázzat Stamǵazıeva.
Bul materıal tıisti sheshim men sharalardy qabyldaý úshin ýákiletti organǵa jiberilmek.
«Respýblıkalyq mańyzy bar avtojoldardyń barlyq paıdalanýshysyn jol qozǵalysy erejelerin qatań saqtaýǵa shaqyramyz. Sondaı-aq QazAvtoJolǵa qarasty 1403 baılanys ortalyǵynyń jumys isteıtinin eske salamyn. Jol paıdalanýshylarmen keri baılanysty nyǵaıtý úshin operatorlar táýlik boıy júrgizilip jatqan jóndeý jumystary men kútip-ustaý máseleleri boıynsha keńes beredi», - dedi Lázzat Stamǵazıeva.
