Almaty saıabaqtarynyń birine Qytaıda mekendeıtin qaz ushyp keldi
ALMATY. KAZINFORM – Almatynyń Ortalyq mádenıet jáne demalys saıabaǵyna Qytaı qazy (ǵylymı ataý – qýtumsyq) ushyp keldi.
Tabıǵı ortada kezdespeıtin qusty qala turǵyndary baıqaǵan. Qazaqstan bıoalýantúrlilikti saqtaý qaýymdastyǵynyń ǵylym jónindegi dırektory, ornıtolog Sergeı Sklıarenko onyń qaıdan paıda bolǵanyn ázirge eshkim bilmeıtinin aıtty.
Boljam boıynsha úı jaǵdaıynda bolǵan qus qashyp ketip, saıabaqtaǵy úırekterge kelip qosylǵan. Qazir qaz shamamen otyz shaqty barqyldaq úırekpen birge emin-erkin júr.
Sergeı Sklıarenko qolda ustaıtyn qustar men jabaıy qustardyń dál óstip birge júrgeni mamandardyń da qyzyǵýshylyǵyn týdyrǵanyn atap ótti.
– Onyń saıabaqta aıaq asty paıda bolǵany tabıǵat súıer qaýym men ornıtologtardy da eleń etkizgen tyń jańalyq boldy, - dedi ol.
Eske salaıyq, buǵan deıin Sharyn ulttyq saıabaǵynda sırek kezdesetin qustar vıdeoǵa túsip qaldy.