Almaty san túrli túske boıaldy – fotoreportaj
ALMATY. KAZINFORM — Almatyda aǵashtar búrshik jaryp, kóktemniń hosh ıisi ańqydy. Almatylyqtardyń ádemi kóńil kúıi Kazinform tilshisiniń fotoreportajynda.
Almaty — kóktemde erekshe ásemdenip, myń túske boıalady.
Qazir qalada eń aldymen órik, shıe aǵashtary gúldep, qalanyń kórkine sulýlyq qosýda.
Aınala jasyl túske boıalyp, qala ishinde hosh ıis ańqıdy.
Qala turǵyndary da kóp ýaqytyn dalada ótkizip, taza aýada jıi serýendep júr.
Burynǵylar bul aı týraly «Sáýir aıy — qazaqtyń táýir aıy» degen.
Al aqıyq aqyn Muqaǵalı Maqataev «Sáýir aıy shopanǵa saryýaıym, malmen birge baǵady aýa raıyn» dep jyrlady.
Sondaı-aq bul aı týraly halqymyzda «Naýryz — sýymen, sáýir — nýymen, mamyr — gúlimen», «Sáýir bolmaı, táýir bolmas» degen maqal-mátel, qanatty sózder bar.
Jasyl jelekke oranǵan saıabaqtardyń sulýlyǵyn sózben sýretteý múmkin emes. Ony tek kózben kórý kerek.
Ásirese, Esentaı ózeniniń jaǵalaýyndaǵy tańǵajaıyp kórinis eshkimdi de beıjaı qaldyrmaıdy.
Buǵan deıin Almatynyń botanıkalyq baǵynda báısheshek gúldegeni týraly jazǵanbyz.