Almaty irgesindegi aýylda mektep, aýrýhana, balabaqsha salynýy tıis jerde turǵyn úı qurylysy júrip jatyr

Talǵar aýdany Besaǵash aýylynyń turǵyndary «Nurııa-3» turǵyn úı kesheniniń qurylysyna shaǵymdandy, dep habarlaıdy Kazinform.

Almaty oblysy ákimimen kezdesýde Besaǵash aýdanynyń turǵyny qurylys máselesin kóterdi. Ol Bas jospar boıynsha «Nurııa-3» turǵyn úı kesheniniń ornyna mektep, aýrýhana, balabaqsha salynýy tıis ekenin aıtty. Biraq, ákimdik qurylysqa tyıym salǵanymen, jumys áli de jalǵasýda.

«Bul qurylysqa tyıym salý týraly resmı sheshim bar, biraq nysan áli salynyp jatyr jáne bir sekýndqa da toqtaǵan joq. Sonymen birge ol úlken zań buzýshylyqtarmen salynyp jatyr. Jeke sektor men turǵyn úı kesheniniń arasy 7 metr. Siz bul jerde bizdiń aýylǵa qajet mektep, balabaqsha, emhana bolady dep ýáde berdińiz», – dedi áıel.

Almaty oblysynyń ákimi Marat Sultanǵazıev byltyr sol ýchaskege qatysty tıisti tapsyrmalar bergenin jetkizdi.

Óz kezeginde oblystyq memlekettik sáýlet-qurylys baqylaý basqarmasynyń basshysy Qaıyrjan Jaqsymbetov búginde bul nysanda qurylys-montajdaý jumystary toqtatylǵanyn jáne barlyq qajetti qujattar sotta ekenin atap ótti.

Qurylys salýshy - «Time group construction» kompanııasy.