Almaty prokýratýrasy sanıtarlyq qaýlydaǵy zańbuzýshylyqty anyqtady
ASTANA. KAZINFORM — Aǵymdaǵy jyldyń aqpan aıynda qalanyń Bas memlekettik sanıtarlyq dárigeri balalardy josparly emdeýge jatqyzý bóliginde shekteý sharalaryn engizgen. Bul týraly Almaty qalasy prokýratýrasy málim etti.
— Qujatta medıtsınalyq qarsy kórsetilimderi bar balalardy esepke almaı, qyzylshaǵa qarsy vaktsınatsııa bolǵan jaǵdaıda ǵana balalardy josparly emdeýge jatqyzýǵa ruqsat berý kózdelgen, — dep jazdy prokýratýraadan.
Balalardyń quqyqtaryna nuqsan keltiretin quqyqtyq aktige prokýratýra narazylyq bildirdi, qaýly zańnama talaptaryna sáıkestendirildi.
Almaty qalasynyń prokýratýrasy azamattardyń konstıtýtsııalyq quqyqtaryn qamtamasyz etý jáne qorǵaý, prokýratýra organdary qyzmetiniń basym baǵyttarynyń biri bolyp qala beretinin eske salady.
Eske sala keteıik, buǵan deıin bala quqyǵyn qorǵaıtyn sharalardyń bári bir qujatqa biriktiriletini habarlandy.
