Almaty prokýratýrasy ótemdik aǵash egý sharasyna baqylaýdy kúsheıtti

ALMATY. KAZINFORM – Almatyda 73 myńnan astam ótemdik aǵash otyrǵyzylmaǵan.

Mamandandyrylǵan tabıǵat qorǵaý prokýratýrasy jappaı ótemdik aǵash egý talaptarynyń saqtalmaǵanyn anyqtady.

– Ótemdik otyrǵyzý normalarynda 2023-2024 jyldarǵa kózdelgen 73 myńnan astam aǵash otyrǵyzylmaǵan, jasyl jelekterdi zańsyz kesý jaǵdaılary anyqtaldy,– dep habarlady prokýratýradan.

Aǵashty tıimsiz otyrǵyzýǵa agrotehnıkalyq qatelikter, qolaısyz jaǵdaı men tıisti kútimniń joqtyǵy sebep boldy. Birqatar nysan boıynsha aǵash otyrǵyzý jyldar boıy júrgizilmegen.

– Prokýratýra sharalary boıynsha ýákiletti organ sotqa 64 talap-aryz berip, onyń 55-i qanaǵattandyryldy. Vegetatsııalyq maýsym bastalǵanǵa deıin mindettemelerdi oryndaý qajettiligi týraly 49 habarlama engizildi,– delingen habarlamada.

Almaty prokýratýrasy ótemdik aǵash otyrǵyzý sharasyna baqylaýdy kúsheıtti.

Buǵan deıin Túrkistan oblysynda qyzǵaldaq julǵan turǵynǵa qatysty qylmystyq is qozǵalǵanyn jazǵan edik.