Almaty prokýratýrasy «Eco Almaty» dırektoryn jaýapqa tartty
ALMATY. KAZINFORM — Medeý aýdanynyń prokýratýrasy sotta azamattyq isterdi qaraý nátıjeleri boıynsha megapolıste jasyl jelekterdi kútip ustaý jáne qorǵaý kezindegi buzýshylyqtardy anyqtady.
Prokýratýranyń málimetinshe, qalada jaýyn-shashyndy jáne jeldi aýa raıynda aǵashtar jıi qulaıdy. Ásirese, avtokólik quraldaryna zııan keltirip jatyr.
Joǵaryda kórsetilgen faktiler adamdardy, keltirilgen materıaldyq shyǵyndy óndirip alý jáne avtokólikterdi qalpyna keltirý maqsatynda sotqa júginýge májbúrlep otyr.
2023 jyldan bastap sottar azamattardyń 51,3 mln teńgeni óteý týraly 32 talap-aryzyn qarady. Bul rette bıýdjetten 31,2 mln teńge óndirildi.
Prokýrorlar, jasyl jelekterdi kútip ustaý boıynsha kózdelgen sharalar tıisti túrde qabyldanbaǵanyn anyqtady. Keshendi túgendeý jáne orman patologııalyq zertteý, sondaı-aq málimetterdi tıisti bazaǵa engizý jumystary tolyq kólemde júrgizilmegen.
Atalǵan fakti boıynsha Medeý aýdanynyń prokýratýrasy zań buzýshylyqty joıý týraly usyný engizdi.
«Qadaǵalaý aktisin qaraý nátıjeleri boıynsha «Eco Almaty» JShS dırektory tártiptik jaýaptylyqqa tartyldy, apatty aǵashtardy anyqtaý jóninde qosymsha sharalar qabyldanyp jatyr»,- dep atap ótti Almaty qalasynyń prokýratýrasy.
