Almaty polıtsııasyna táýligine 4,5 myń qońyraý túsedi

ALMATY. KAZINFORM – 102 pýltine almatylyqtardan kúnine 4,5 myń qońyraý túsedi.

Bul týraly Óńirlik kommýnıkatsııalar qyzmetiniń alańynda Almaty qalasy polıtsııa departamentiniń resmı ókili Saltanat Ázirbek aıtty.

- 102 qyzmeti – táýlik boıy úzdiksiz jumys isteıtin kóparnaly avtomattandyrylǵan júıe. Ol Almaty qalasy polıtsııa departamentiniń Jedel basqarý ortalyǵynda ornalasqan. Orta eseppen táýligine 102 pýltine tórt jarym myńnan astam qońyraý túsedi. Onyń shamamen 70 paıyzy – qylmys pen quqyq buzýshylyq týraly habarlamalar, qalǵan bóligi – anyqtamalyq sıpattaǵy aqparattar. Qazirgi tańda Almaty polıtsııasy 102 qyzmetiniń turaqty ári tıimdi jumys isteýi úshin qajetti barlyq materıaldyq-tehnıkalyq jáne tsıfrlyq múmkindikterge ıe, - dedi ol.

Eske salaıyq, Almaty polıtsııasy Respýblıka kúni qarsańynda kúsheıtilgen rejımge kóshedi. Qoǵamdyq tártipti saqtaýǵa mereke kúnderi 3,5 myń polıtseı jumyldyrylady.