Almaty polıtsııasyn aıaǵynan tik turǵyzǵan 56 jastaǵy er adam ustaldy
ASTANA. KAZINFORM — Almatyda polıtsııaǵa jarylǵysh zat qoıylǵany týraly jalǵan habar bergen 56 jastaǵy er adam ustaldy.
Quqyq qorǵaý organyna aýdandyq polıtsııa basqarmalarynyń biriniń ǵımaratyna jarylǵysh zat qoıylǵany týraly habarlama túsken. Oqıǵa ornyna shuǵyl qyzmetter dereý jetip, ǵımarat pen oǵan irgeles aýmaqty tekserdi.
Alaıda tekserý barysynda eshqandaı jarylǵysh zat, jarylǵysh qurylǵy, oq-dári nemese kúdik týdyratyn ózge de zattar tabylmaǵan.
Tergeý barysynda polıtsııa jalǵan habarlama jasaǵan adamdy anyqtady. 56 jastaǵy er adam jarylǵysh zat qoımaǵanyn jáne mundaı habarlamany qasaqana jasaǵanyn moıyndaǵan.
Kúdikti ustalyp, ýaqytsha ustaý ızolıatoryna qamaldy. Osy fakti boıynsha qylmystyq is qozǵaldy.
Polıtsııa mundaı áreketterdiń jaýapkershilikke ákep soǵatynyn eskertti. Jarylǵysh zat týraly kez kelgen habarlama naqty qaýip retinde qabyldanyp, shuǵyl qyzmetterdiń jedel áreket etýine sebep bolady.
Eske salaıyq, buǵan deıin Petropavl turǵynyna TikTok-ta jalǵan aqparat taratqany úshin aıyppul salynǵanyn habarlaǵanbyz.
