Almaty polıtsııasy júrgizýshilerge eskertý jasady

ALMATY. KAZINFORM – Almaty polıtsııasy kólik júrgizýshilerin kólikterin qysqa daıyndaýǵa shaqyrdy.

«Aýa raıynyń nasharlaýyna baılanysty jol qozǵalysyna qatysýshylardy qaýipsizdik sharalaryn saqtaýǵa shaqyramyz. Bul úndeý negizinen qaýiptiligi joǵary kólikterdi basqaratyn qala júrgizýshilerine arnalǵan. Ádette,kún raıynyń buzylýy jalpy jol jaǵdaıyna áser etedi. Júrgizýshilerge kólikterin qys mezgiline aldyn ala daıyndaý kerektigin taǵy bir eskertemiz. Bul joldardaǵy qaıǵyly jaǵdaılardyń aldyn alýǵa kómektesedi», – deıdi Almaty qalalyq polıtsııa departamenti bastyǵynyń orynbasary Erjan Uzabaev.

Polıtsııa ókiliniń sózinshe, Almatyda jyl basynan beri 4815 jol apaty tirkelip, 403 680 jol qozǵalysy erejesin buzý deregi anyqtaldy. Kólikti mas kúıinde basqarǵan 2095 júrgizýshi ustaldy.

«Joǵaryda keltirilgen statıstıka alańdaýshylyq týdyrady. Kúni keshe ǵana «Qaýipsiz jol» respýblıkalyq jedel-profılaktıkalyq is-sharasy aıaqtaldy. Keıbir jol qozǵalysyna qatysýshylardyń tártibi nashar. Osyǵan oraı, Almaty polıtsııasy quqyqtyq túsindirý jumystaryn kúsheıtip, profılaktıkalyq jumystardy júrgizdi. Basty baǵyt – balalar jaraqatynyń aldyn alý», – dedi ol.

Osyǵan deıin qysqy maýsymda jazǵy dońǵalaqpen júrgen júrgizýshige qansha aıyppul salynatyny týraly jazǵan edik.