Almatyda jańa jylda qansha adam pırotehnıkadan zardap shekti

ALMATY. KAZINFORM — «103» pýltine mereke kúnderi 23 myńnan astam shaqyrtý kelip tústi, onyń 16 myńyna jedel járdem brıgadalary qyzmet kórsetti. 186 brıgada tartyldy, onda 500-den astam qyzmetker jumys istedi.

Jedel medıtsınalyq járdem qyzmetiniń medıtsınalyq bólimi boıynsha dırektordyń orynbasary Andreı Lojkınniń aıtýynsha, jedel járdem qyzmetine kelip túsken shaqyrtýlardyń 10-13%-y jaraqat alǵandar boldy.

— Pırotehnıkadan 19 adam zardap shekken. 55% jaǵdaıda aıaq — qol jaraqattanǵan, qalǵandary bet, kóz jáne moıyn jaraqattary, — dedi Andreı Lojkın.

Mereke kúnderi qońyraýlar sanyny 5-6% - ǵa artty. Ótinishterdiń negizgi sebepteri kenetten bolatyn aýrýlar, turmystyq jaraqattar, kúıikter, ishimdikten jáne tamaqtan ýlaný.

Osyǵan deıin Densaýlyq saqtaý mınıstrligi Jańa jyl túni elimizde pırotehınka buıymdarynan 16 adam zardap shekkeni týraly málimdegen bolatyn.

Sondaı-aq zańger Nurlan Jańabaev otshashýdan zardap shekkender óz quqyqtaryn qalaı qorǵaı alatyny týraly keńes bergen edi.